Rơndăp broă lơh Tiah lơh sa mờ măi mok VSIP Hà Tĩnh mờ bơta ơnàng 190 lồ 41 sào, kờp jơh geh priă bơcri lơh rlau 1 rơbô 555 tơmàn đong, geh pơlam gùng dà bơcri priă lơh gơ gơs rùp rài tiah lơh sa mờ măi mok tơlir, pa ngan, kơ̆ kơl jăp mờ ală phan bơna bơt bơtàu tơl jơnau sồr niam ngan, di pal mờ jơnau sồr bơh ală cau bơcri priă dê.

Phó Thủ tướng ồng Trần Hồng Hà đơs nền, VSIP Hà Tĩnh geh kơ̆p kơnờm rơ̆p lơh geh bơta gơ kờñ ngan ală cau bơcri priă tàm lơgar mờ lơgar ndai bè ală gah bè ồs đèng mờ điện tử, ƀán zẫn, kơ khí di ngan, năng lượng, pil rơndeh đèng, lòs, phan crăp ôtô, lơh gơlik phan ngui sa, drơng broă anih jun pơndiang phan, anih ơn prap phan apah... rơ̆p lơh geh rlau 30 rơbô broă lơh, lơh geh bơta pràn ai bơtàu tơnguh, tàm ntrờn rơndăp tăp sèng lơh sa bơh càr Hà Tĩnh dê.