Drim òr (20/04), tàm Hà Nội, Ƀộ Kông thương bơyai lơh sơn đờm Poh Măt kă bro dà lơgar mờ Pơrjum cri bơyai dunia Măt kă bro dà lơgar Việt Nam nam 2023 mờ tơngu me “Ai gŏ Măt kă bro dà lơgar Việt Nam Tơlir”. Broă lơh do geh bal tàm Broă lơh Măt kă bro dà lơgar Việt Nam nam 2023, tơnkah ngai Măt kă bro Việt Nam ngai 20 nhai 04, tơnguh broă đal git Măt kă bro dà lơgar Việt Nam mờ yal ală bơta phan geh Măt kă bro dà lơgar Việt Nam.

Pơrjum cri bơyai Măt kă bro dà lơgar Việt Nam nam 2023 mờ tơngu me “Ai gŏ Măt kă bro dà lơgar Việt Nam Tơlir” geh Ƀộ Kông thương bơyai lơh tàm bơta lơgar Việt Nam gam lơh ngan lơh pràn ală broă lơh sa kă bro, wèt tus broă brồ guh wơl lơh sa mờ gơguh lơh sa tơnơ̆ mờ tơngai gơrềng tài bơh kòp Kovid-19 gơtờp. Jăt ală cau jăk chài, măt kă bro tơlir neh cèng geh bơta pràn tàm pơrlòng tàm drà kă bro, tàm hơ̆ uă ngan tàm bơta lơgar Việt Nam tus bal tàm broă lơh jơh gùt plai ù.