Geh bơyai lơh tàm 3 ngai, Ủy ƀan Thường vụ Quốk hội pơgồp jơnau đơs mờ ring bal uă tơngu me kwơ màng. Bè broă lơh adăt boh lam, Ủy ƀan Thường vụ Quốk hội pơgồp jơnau đơs mờ sền wơl ring bal kơrnoăt sồr tam gơl, bơtơl ờ uă bơta tàm kơrnoăt sồr bè bơta tăp sèng, sră nggal sền wơl, lơh nền ngui broă bơsong sră nggal tàm Anih cah rơña làng bol; Sền wơl, lơh nền broă ai jơnau pơgồp bal bơh làng bol bè rơndăp broă lơh Adăt ù tiah (tam gơl). Mờ ai pơgồp jơnau đơs bè broă yal mblàng loh loh, iăt, lơh niam wơl rơndăp broă lơh Adăt Kham kòp, sơm kòp (tam gơl).

Kung tàm pơrjum, Ủy ƀan Thường vụ Quốk hội ai pơgồp jơnau đơs bè broă lơh niam wơl rơndăp broă tam gơl kờp dŭ lài priă jền gơtùi lơh broă ờ hềt geh ngui jơh tàm nam 2021 bơh Tổng kụk Dia mờ Tổng kụk Hải quan dê; broă bơtơl kờp dŭ lài kes priă dà lơgar priă dong kờl ờ tơm wơl bơh lơgar bơdìh nam 2021 mờ lơh nền bè broă bơtơl priă blơi bơtơl wơl phe prăp gàr dà lơgar.