Đơs sơn đờm dơ̆ pơrjum, Củ tịc Quốk hội ồng Trần Thanh Mẫn pà git, tàm pơrjum do, Ủy ƀan Thường vụ Quốk hội pơgồp jơnau đơs tàm 06 tơngu me, tàm hơ̆ geh jơnau tơn jơh, ai geh jơnau bơsram broă mờng chài pơrjum dơ̆ 07 mờ cri bơyai bè broă rơcang pơrjum dơ̆ 08, Quốk hội Khoă XV geh bơyai lơh tàm nhai 10 tus.

Pal kah ngan, Ủy ƀan Thường vụ Quốk hội geh jơnau lơh nền sồ 02 bè broă gơwèt gah broă priă jền, kes priă, tàm hơ̆ geh: Broă bơtơl rơndăp broă tă priă sùm kes priă dà lơgar nam 2024 bơh Ƀộ Sền gàr dà lơgar, Ƀộ Kwang àng dê. Broă lơh wơl broă rơndăp bơcri priă dà lơgar di mờ tơngai priă kes priă dà lơgar tơngai bơh nam 2021 tus 2025 bơh ală Ƀộ, anih lơh broă dà lơgar mờ ală càr, ƀòn dờng; lơh gơs sră nggal bơcri priă ală rơndăp broă lơh kờp dŭ geh ai priă gơguh tă, koh tơmù, tềp pềr tă kes priă dà lơgar nam 2021 gam jơnkah tơnơ̆ mờ tŭ lơh jăt ală broă dong kờl priă ơpah hìu ai cau lơh broă bơh Broă lơh brồ guh mờ bơtàu tơnguh lơh sa mpồl bơtiàn dê.