VOV4.K’ho - Drim do (15/02), Sơn đờm pơrjum dơ̆ 8, Ủy ƀan Thường vụ Quốk hội. Geh bơyai lơh bơh ngai do (15/02) tus ngai 17 nhai 2, Ủy ƀan Thường vụ Quốk hội pơgồp jơnau đơs tàm uă tơngu me kwơ màng.

Mùl màl, Ủy ƀan Thường vụ Quốk hội pơgồp jơnau đơs bè broă mblàng, iăt, lơh niam wơl rơndăp broă Adăt Kảñ sát kơ động mờ rơndăp broă adăt tam gơl, bơtơl ờ uă bơta tàm adăt Ngui bơta ngăc ngar; dan bơtơl rơndăp broă adăt kham kòp, sơm kòp (tam gơl) tàm broă bơ̆t bơtàu adăt boh lam, kơrnoăt sồr nam 2022. Broă bơ̆t bơtàu rơndăp broă Adăt kham kòp, sơm kòp (tam gơl) tơrgùm tàm 3 tơngu me tờm là: ai cau kòp là tờm, tơnguh broă geh tìp mờ broă kham, sơm kòp geh bơta niam uă. Uă bơta ală broă lơh sơnơm; gàr niam broă ndrờm bal đah ală hìu kham, sơm kòp bơh dà lơgar bal mờ cau dùl nă să lơh is. Mờ tam gơl pa broă lơh, broă drơng lơh broă, tơnguh uă nùs nhơm lơh sơnơm wèt tus lơh jăt broă sền gàr tơl ală bơta cau kòp.

Cau mblàng Ndong Brawl