VOV4.K’ho- Di dơ̆ lòt còp ngan ngồn lơgar Việt Nam bơh Củ tịc Hạ viện lơgar Ấn Độ ồng Om Birla dê, mho mang ngai 19/04, Kông ty Kổ phần Gah rơndeh par Vietjet bơyai lơh Dơ̆ yal ală gùng par pa tus lơgar Ấn Độ, tàm hơ̆ geh: Hà Nội- Mumbai, ƀòn dờng Hồ Chí Minh- Mumbai, Phú Quốc- New Delhi mờ Phú Quốc- Mumbai, lơh tềl bơta tus wơl mờ rề ơnàng lơh broă bơh gah rơndeh par Vietjet dê tàm dà lơgar geh 1 tơmàn 400 tơlak nă cau do.

Củ tịc Quốc hội Việt Nam mờ Củ tịc Hạ viện Ấn Độ sền gŏ bal dơ̆ kĭ hơ

Broă lơh yal geh lơh bal mờ bơta sền gŏ bal bơh Củ tịc Quôk hội lơgar Việt Nam ồng Vương Đình Huệ, Củ tịc Hạ viện lơgar Ấn Độ ồng Om Birla, Phó Thủ tướng Cíñ phủ Việt Nam ồng Lê Minh Khái. Ală gùng par bơh ƀòn dờng Hồ Chí Minh mờ Hà Nội tus Mumbai geh lơh rơhời bơh ngai 02/06 tus ngai 03/06, bal mờ dơ̆ par 4 dơ̆ lòt rê wơl mờ 3 dơ̆ lòt rê wơl tơn pah poh ai tơl gùng par in. Gùng par Phú Quốc- Mumbai geh lơh bal mờ dơ̆ par 4 dơ̆ lòt rê wơl pah poh mờ gùng par Phú Quốc- New Delhi bal mờ 3 dơ̆ par lòt rê wơl tơn pah poh, sơnđờm par rơhời bơh ngai 08/09 mờ ngai 09/09.

Cau mblàng Lơ Mu K’Yến