VOV4.K’ho- Ngai 10/06, tàm xã Ea Kpam, kơnhoàl Cư Mgar, càr Dăk Lăk, Tập đoàn Xuân Thiện bơyai lơh Dơ̆ sơnđờm lơh Tiah lơh broă sa sươn sre ngui kông nghệ kau Xuân Thiện- Cư Mgar. Do là rơndăp broă lơh sơnđờm tàm dùl ròt tơrgùm ală rơndăp broă lơh lơh sa, ròng siam, lơh gơlik phan sa kông nghệ kau bơh Tập đoàn dê bơcri priă tàm càr Dăk Lăk, geh priă bơcri lơh kờp jơh là rlau 1 tơmàn dolar Mỹ (ndrờm mờ rlau 25 rbô 760 tơmàn đong).

Tiah lơh broă sa sươn sre ngui kông nghệ kau Xuân Thiện- Cư Mgar geh priă bơcri lơh rlau 705 tơmàn đong, bă ù ơnàng rlau 100 lồ, mờ ală jơnau kờñ tờm: Lòng lơh mờ sac rwah lơh gơlik sơntìl chi tam geh cồng nha lơh sa uă, ờ geh kòp, niam uă; bơ̆t bơtàu broă lơh pơlam lơh sa sươn sre ngui kông nghệ kau mờ tàm jàu ngui măy mok; lơh gơs anih tờm lơh gơlik phan, ơn prăp mờ tăc bro phan lơh geh bơh sươn sre; lơh gơs anih lòt còp lùp bơsram bơta jak chài lơh broă sa sươn sre mờ nhơl chờ ƀòn brê bơnơm; lơh bal bơto kwang bàng mờ cau lơh broă sa bơta gĭt wă bè lơh broă sa sươn sre ngui kông nghệ kao. Jăt broă rơndăp lơh, qúy IV nam 2023, rơndăp broă lơh geh lơh sir broă lơh mờ tus qúy dùl nam 2024 geh phan bơna tăc tàm drà.

Cau mblàng Lơ Mu K’Yến