Phó thủ tướng Cíñ phủ ồng Trần Lưu Quang, Kwang đơng lam bồ ală Ƀộ, ngàñ, kwang đơng lam bồ càr Dăk Lăk bơh ală rài, ala mat ală mpồl lơh broă tam, lơh gơlik mờ tăc kơphê mờ lơgar ndai tàm lơgar mờ tàm dunia bal mờ uă ngan làng bol ală jơi bơtiàn kòn cau dùl ết nă cau tàm càr mờ bơdìh càr tus bal. Mờ tơngume “Buôn Ma Thuột- Tiah tus bơh kơphê dunia dê”, Dơ̆ lơh chờ Kơphê Buôn Ma Thuột dơ̆ 8 pơn jat tai đơs nền mờ tơnguh gơnoar broă kơphê Việt Nam tàm drà kă bro dunia dê.

Đơs tàm dơ̆ sơnđờm mut lơh, Phó Thủ tướng ồng Trần Lưu Quang đơs sùm, Kwang đơng lam bồ càr pal bơt bơtàu broă lơh kwơ màng yal tơngĭt, marketing, lơh nền mat kă bro di pal mờ bơta pràn bơh he dê. Lơh pràn bơtàu tơnguh kơphê bơkah, kơphe bơkah pơn rơ Việt Nam mờ bơta ƀô thồm krơi is, mùl gŏ geh dờp jat tơl khà Dunia dê di pal mờ jơnau kờñ, bơta kờñ bơh cau ngui dê ngai sơlơ uă.