Mờ jơnau sồr “tàm tơrbŏ bal mhàm Việt Nam”, nam do, broă lơh gùng lòt pơrhê geh bơyai lơh tàm pơgap 2 nhai tàm 48 càr, ƀòn dờng tàm gùt lơgar. Tàm càr Dăk Lăk, do là nam dơ̆ 10 geh bơyai lơh broă lơh mờ jơnau kờñ dờp geh ết ngan rlau jơh 500 kơldung mhàm, mơkung mblàng yal ai ală rơnàng kơnòm să in bè kòp mhàm ờ gơ klăc bơh tàm ndul mè kung bè broă sền gĭt mờ rcang sơndră kòp do.

Broă lơh tàm càr Dăk Lăk dờp geh bơta lơh bal, tus bal bơh uă ngan làng bol ờ mìng tàm ală tiah tờm mờ jơh bal ală tiah sar lơgar ngài sơl. Bơh hơ̆ lơh geh jơnau kờñ di tŭ khà mhàm drơng broă dong kờl mờ sơm kòp, bơsong geh bơta ờ hoan geh mhàm tàm ală tơngai rơlô bơkang mờ dơ̆ lơh chờ, dơ̆ sa tềp dà lơgar. Bơh broă lơh do nàng kờñ mblàng yal ai làng bol in wă di bè broă pà mhàm dong kờl is mờ tus bal pà mhàm. Bơh hơ̆, lơh geh mpồl cau dong kờl is, hòi jà làng bol pà mhàm dong kờl cau.