VOV4.K’ho- Tàm ƀòn dờng Buôn Ma Thuột, càr Dăk Lăk neh sơnđờm mut lơh rơndap broă lơh tơnguh uă bơta kơ̆ kơljap, cồng nha tơnhào mờ priă lơh geh lơh sa bơh ală broă lơh sa mờ ală bơta kwơ bơh tờm kơphê mờ tiêu tàm tiah Tây Nguyên Việt Nam dê.

Ală cau jak chài bơto pơlam bơta chài sơng ka sền gàr kơphê ai cau lơh broă sa in tus bal tàm rơndap broă lơh

Rơndap broă lơh do bơh Anih tờm Kơlôi sơnơng Lơh sa suơn sre dunia lơgar Australia lơh jat geh lam lơh tus nhai 9 nam 2024 tàm 3 càr Gia Lai, Dăk Lăk, Dăk Nông mờ bơta tus bal bơh mờr 300 hìu bơnhă cau lơh broă sa tam kơphê mờ tiêu, kờp jơh priă bơcri mờr 90 tơmàn đong. Jơnau kờñ bơh rơndap broă lơh do là nàng tam gơl wơl rài kis lơh broă sa bơh hìu bơnhă cau lơh broă sa dềt tàm tiah Tây Nguyên, ngan là mpồl làng bol ƀuơn gơtìp aniai, bơh bơta tam gơl kơ̆ kơljap mờ ală priă lơh geh tàm broă tam kơphê mờ tiêu dê.

Cau mblàng K’Hạnh