VOV4.K’ho- Drim ngai 04/05, Pơrjum dơ̆ 5, Ƀan Chấp hàñ Đảng dà lơgar khoá 13 neh sơnđờm mut pơrjum yŭ rơyùm tàm càr lơgar Hà Nội. Tổng Ƀí thư ồng Nguyễn Phú Trọng đơng lam mờ geh jơnau đơs sơnđờm mut pơrjum kwơmàng tàm dơ̆ pơrjum.

Anih Pơrjum dà lơgar 5 khoá 13

Tơnơ̆ tŭ mblàng sền wil tơl ală broă kờñ ai tơlik bè 6 tơngume bơh dơ̆ pơrjum dê, ồng Nguyễn Phú Trọng đơs loh, tơngume yal mờ pơrjum dà lơgar dơ̆ do là ală broă dờng ngan, kal ke ngan mờ dờng màng kơrhia ngan gơwèt mờ broă lơh jat geh cồng nha Nghị quyết Pơrjum dờng dơ̆ 13 bơh Đảng dê tàm ală gah broă tờm kuơ màng, bè: Lơh pràn bơtàu tơnguh lơh sa- mpồl bơtiàn bơh dà lơgar dê tus nam 2030, wèt sền tus nam 2045; sơlơ bơt bơtàu, lơh niam wơl Đảng mờ broă lơh cíñ trị ngai sơlơ sàng goh, kơ̆ kơljap, pràn kơldang tơl làm bơh nggu tơn, bơh tàm ƀòn lơgar, di pal mờ jơnau sồr ngai sơlơ uă bơh kăc màng dê tàm tơngai pa.

Tổng Ƀí thư ồng Nguyễn Phú Trọng đơs tàm dơ̆ pơrjum

Ồng Nguyễn Phú Trọng sồr, Dà lơgar lơh jat niam uă ngan nùs nhơm geh kơnòl, tơrgùm kơlôi sơnơng, cribơyai nền, ai jơnau đơs nàng lơh sir mờ sền sơwì, lơh nền tàm lồi dơ̆ pơrjum. Ngan là, kờñ pal sơñio loh ală jơnau gơbàn, ai tơlik ală jơnau bơsram mờng chài mờ ai tơlik ală gùng dà broă lơh  niam ngan nàng bơsong tàm tơngai tus. Kờp dŭ pơrjum geh bơyai lơh tus ngai 10/05.

Cau mblàng K’ Hạnh