VOV4.K’ho- Drim do 14/04, tàm Hìu Quôk hội, sơnđờm mŭt pơrjum dơ̆ 10 Ủy ƀan Thường vụ Quôk hội khoă XV. Tàm dơ̆ pơrjum do, Ủy ƀan Thường vụ Quôk hội ai jơnau đơs tàm uă tơngume kwơmàng nàng rơcăng yal tàm pơrjum dơ̆ 3, Quôk hội dê. Bè broă lơh kơrnoăt boh lam, Ủy ƀan Thường vụ Quôk hội geh ai jơnau đơs bè ală rơndăp lơh: Adat Nhơm zờu (tam gơl), Adat rơcăng sơndră lơh pờng tàm hìu bơnhă (tam gơl), Adat tam gơl, bơtơl bàr pe bơta bơh Adat Tần sỗ vô tuyến điện, Adat Lùp sền (tam gơl), Adat Kham kòp, sơm kòp (tam gơl); ai jơnau đơs bè rơcăng lơh Broă lơh adat, kơrnoăt boh lam nam 2023....

Bè ală broă lơh sa- mpồl bơtiàn, Ủy ƀan Thường vụ Quôk hội ai jơnau đơs: Jơnau yal bơh Cíñ phủ dê tơn jơh broă lơh jăt Kơrnoăt sồ 42 nam 2017 Quôk hội dê bè lơh tơrlòng lài bơsong dồs kal ke lùp bơh ală mpồl ai càn priă jền dê; rơcăng cih Kơrnoăt Quôk hội dê bè gùng dà broă lơh krơi is, bơtàu tơnguh càr Khánh Hoà; gùng dà tam pà priă ai ală rơndăp broă lơh gơwèt Broă lơh bơtàu tơnguh wơl mờ bơtàu tơnguh lơh sa- mpồl bơtiàn, tàm hơ̆ sền swì bè mat rơndăp broă lơh bơcri priă gơwèt Broă lơh bơtàu tơnguh wơl lơh sa mờ gùng dà tam pà priă Broă lơh bơtàu tơnguh wơl lơh sa- mpồl bơtiàn mờ priă bơcri dà lơgar di mơ tơngai bơh nam 2021- 2025.

Cau mblàng Lơ Mu K’Yến