VOV4.K’ho- Ngai 11/05, tàm Hìu Quôk hội, sơnđờm mŭt pơrjum dơ̆ 11, Ủy ƀan Thường vụ Quôk hội. Dơ̆ pơrjum do, Ủy ƀan Thường vụ Quôk hội ai jơnau đơs gơwèt mờ 11 broă. Mùl màl, là: jơnau yal sền swì bơtơl cồng nha lơh jăt kơnòl broă bơtàu tơnguh lơh sa- mpồl bơtiàn mờ kes priă dà lơgar nam 2021, broă lam lơh jăt broă rơndăp lơh bơtàu tơnguh lơh sa- mpồl bơtiàn mờ kes priă dà lơgar ală nhai bồ nam do; jơnau yal cồng nha jăt sền broă bơsong, hơ jơnau lùp bơh cau tĕ khà dê pơyua tus pơrjum dơ̆ 2, Quôk hội khoă XV in; sền swì jơnau yal broă lơh jơnau làng bol kơ̆p kờñ bơh Quôk hội dê nhai 04 nam do.

Mơkung ai jơnau đơs bè jơnau rơcăng cih jơnau yal tơrgùm jơh ală jơnau đơs, jơnau dan bơh cau tĕ khà dê mờ làng bol dê pơyua tus pơrjum dơ̆ 3, Quôk hội khoă XV; ai jơnau đơs bè jơnau rơcăng cih Kơrnoăt ai lơh jăt Tơngume jơnau pal jăt dơ̆ pơrjum bơh Quôk hội dê (tam gơl); ai jơnau đơs bè broă rơcăng pơrjum dơ̆ 3, Quôk hội dê mờ uă broă kwơmàng ndai.

Cau mblàng Lơ Mu K’Yến