Tàm ngai 15/08, Ủy ƀan Thường vụ Quốk hội bơyai lơh dơ̆ pơrjum lùp mờ hơ jơnau lùp gơwèt mờ 2 mpồl broă gơwèt gah kơnòl broă bơh Bộ Tư pháp, Bộ Nông nghiệp mờ Phát triển nông thôn dê.

Ƀùi drim, Bộ trưởng Bộ Tư pháp ồng Lê Thành Long hơ jơnau lùp mờ ală tơngume: Broă lơh jăt broă lơh bơt bơtàu adat boh lam; Kơrnoat boh lam; Ală broă lơh gàr niam tŭ tơngai, bơta niam mờ sră nggal ală rơndăp broă lơh, jơnau rcang cih Cíñ phủ yal mờ Quốk hội; Broă lơh tơnguh uă bơta niam ală adat boh lam, broă lơh gròi sền gơnăp gơnoar, rcang sơndră sa kuề sa kuà mờ bơta ờ niam tàm broă lơh bơt bơtàu adat boh lam gơwèt mờ kơnòl bơh Cíñ phủ dê. Ƀùi mho, Bộ trưởng Nông nghiệp mờ Phát triển nông thôn ồng Lê Minh Hoan hơ jơnau lùp bè mpồl broă gơwèt gah geh kơnòl bơh Bộ Nông nghiệp mờ Phát triển Nông thôn dê.