Tàm pơrjum do, Dà lơgar cribơyai mờ tă pơgồp jơnau đơs pơndŭt bè ală broă, bè: bơta lơh sa- mpồl bơtiàn, kes priă Dà lơgar nam 2023, broă rơndăp lơh nam 2024; Broă rơndăp lơh priă jền- Kes priă Dà lơgar 3 nam bơh nam 2024- 2026 mờ broă lơh lơh jăt gùng dà broă lơh priă nhai pa; Tơn jơh 10 nam lơh jăt Nghị quyết Dà lơgar 5 khoă XI bè bàr pe broă lơh mpồl bơtiàn tơngai bơh nam 2012– 2020; Tơn jơh 20 nam lơh jăt Nghị quyết Dà lơgar 7 khoă IX bè ngui niam bơta pràn tam klăc dờng jơh gùt jơi bơtiàn tài làng bol pas sơm, dà lơgar pràn, mpồl bơtiàn ring bal, làng bol lơh tờm, jak chài; Tơn jơh 15 nam lơh jat Nghị quyết Dà lơgar 7 khoă X bè bơt bơtàu mpồl cau gĭt wă tàm rài lơh pràn lơh sa mờ măi mok, măi mok lơh jơh lơm; Tơn jơh 10 nam lơh jăt Nghị quyết Dà lơgar 8 khŏa XI bè Broă lơh kwơ màng sền gàr Dà lơgar tàm bơta pa; Rơndăp Ƀan Cấp hàñ Đảng Dà lơgar khoă XIV; mờ bàr pe broă kwơ màng ndai.

Đơs tàm dơ̆ pơrjum, Tổng Ƀí thư ồng Nguyễn Phú Trọng sồr Dà lơgar mờ ală kwang bàng tus bal pơrjum ngui niam bồ tơngoh gĭt wă,  yờ tơnguh uă nùs nhơm geh kơnòl, tơrgùm kơlôi sơnơng, cribơyai nền nòn, tă pơgồp jơnau đơs nàng lơh sir ală jơnau yal, rơndăp broă lơh mờ sền sơwì, lơh nền  tàm lồi dơ̆ pơrjum. Kờp dŭ pơrjum lơh broă tus ngai 8/10.