Tàm 6 nhai bồ nam, bơta lơh sa mpồl bơtiàn bơh càr Dăk Lăk pơn jat tai gàr niam mờ bơtàu tơnguh. Jơh ală broă jàu geh khà gơguh lơh sa, hòi jà priă bơcri gùt mpồl bơtiàn, kờp jơh khà tăc rah rài phan bơna kă bro, kờp jơh priă lơh geh tăc phan mờ lơgar, kờp jơh priă lơh geh lòt nhơl gơguh uă pơndrờm dùl tŭ bal mờ nam lài. Ală broă lơh niam chài, cribơyai broă mờ lơgar ndai, gàr niam rài kis mpồl bơtiàn pơn jat tai geh sền gròi lơh pràn, pơn rơ ngan là ală broă lơh tàm pơrlòng gờm chờ tơngkah kir sơnrai 120 nam ngai crơng gơs càr.

Tàm pơrjum do, ală kwang bàng Mpồl duh broă làng bol càr Dăk Lăk tơrgùm cribơyai, sền sơwì, pờ tê ring bal 21 jơnau rcang cih Jơnau lơh nền tàm pơrjum, geh: mpồl Jơnau lơh nền tàm pơrjum geh gơrềng tus gah lơh sa, bơcri priă Dà lơgar, ù tiah; mpồl Jơnau lơh nền tàm pơrjum geh gơrềng tus ală broă lơh jơnau kờñ Dà lơgar; Mpồl Jơnau lơh nền tàm pơrjum geh gơrềng tus gah mpồl bơtiàn mờ ală broă dong kờl geh gơrềng; mpồl Jơnau lơh nền tàm pơrjum bè cồng nha jat sền mìng dùl tơngume bơh Mpồl duh broă làng bol càr nam 2024 mờ broă lơh jat sền bơh Mpồl duh broă làng bol càr nam 2025 mờ ală Jơnau lơh nền tàm pơrjum ndai.