Geh bơyai lơh tàm 2 ngai, tàm pơrjum do, Ủy ƀan Thường vụ Quôk hội tă pơgồp jơnau đơs mờ ală rơndăp broă lơh Adat rơ̆p geh yal mờ Quôk hội in tàm pơrjum dơ̆ 07 nàng sền sơwì dơ̆ sơnrờp. 5 rơndăp broă lơh Adat geh tă pơgồp jơnau đơs tàm pơrjum mìng dùl tơngume dơ̆ do, geh: Adat Kông cứng (tam gơl), Adat Kông đoàn (tam gơl); Adat rcang lài kơryan kă bro kòn bơnus (tam gơl); Adat atbồ ngui phan tam lơh, phan bơrtoh mờ phan dong kờl (tam gơl), Adat Rcang lài sền gàr kơlwàng trồ làng bol.

 Jat Củ tịc Quôk hội ồng Vương Đình Huệ, Adat rcang lài sền gàr kơl wàng trồ làng bol là rơndăp broă lơh Adat pa, lơh gơs adat boh lam ală nùs nhơm gùng dà broă lơh bơh Đảng dê bè rơndăp broă lơh sền gàr Dà lơgar tàm bơta pa. Tàm pơrjum do, Ủy ƀan Thường vụ Quôk hội kung tă pơgồp jơnau đơs gơwèt mờ jơnau rcang cih Nghị quyết bè gơnoar broă, broă lơh gơwèt kwang bàng Quôk hội lơh broă mìng lơh dùl kơnòl broă ala mat tàm Dà lơgar, kwang bàng kông cứk gơwèt gơnăp gơnoar atbồ bơh Ủy ƀan Thường vụ Quôk hội dê.