Pơrjum Nghị sĩ kơnòm să gùt plai ù dơ̆ 09 bơh Quôk hội lơgar Việt Nam drơng lơh, geh lơh dờng ngan rlau jơh bơh lài tus tŭ do, mờ 500 nă cau ala măt tus bal, tàm hơ̆ geh rlau 300 nă cau ala măt dunia. Dơ̆ sơnđờm mŭt Pơrjum geh lơh tàm drim do 15/09, tơnơ̆ hơ̆ là 2/3 dơ̆ cribơyai tờm bè Tam gơl sồ mờ Tam gơl pa bơceh lơh- Sơnđờm mŭt lơh broă, nàng kờñ geh ală jơnau dan ală broă dong kờl mờ broă lơh bơsong, wèt tus jơnau kờñ ờ cau lơi gơtìp lời ơm wơl hờ ngkời tàm tiah ơm kis sồ, kung bè ai tơl bơta tam gơl pa bơceh lơh mờ sơnđờm mŭt lơh broă, lơh bơta gơn kơnờm ai bơta bơtàu tơnguh jơh ală bơta mờ kơ̆ kơl jăp in.

Bơh pơrjum uă lơgar kwơmàng do pơgồp bơnah đơs nền bơta tus bal jơh nùs, geh kơnòl mờ rơcăng lài bơh lơgar Việt Nam dê tàm IPU- mpồl tam klăc ală nghị viện dờng ngan rlau jơh dunia; mơkung pà gŏ bơta sền gròi mờ dong kờl bơh lơgar Việt Nam dê gơ wèt mờ ơruh pơnu mờ ală broă bal gùt plai ù bơh rơnàng kơnòm să dê tŭ do.