Tàm dơ̆ pơrjum, Quôk hội pơrjum tơrgùm tàm tơngai 4 ngai, sền sơ wì, lơh nền 5 tơngume kwơ màng, jal mhar, kờñ pal geh, lơh geh di tŭ jơnau kờñ bơh rài kis dê.

 Ngan ngồn, Quôk hội geh sền sơ wì, ring bal Adat Kham kòp, sơm kòp (tam gơl) nàng kờñ sơlơ tơnguh broă lơh sền gàr, dong kờl, tơnguh uă pràn kơl dang să jan làng bol in; ai cau kòp lơh tờm ai tơl broă lơh kham kòp, sơm kòp in. Kờp dŭ 3 Nghị quyết geh ring bal, tàm hơ̆ pal sền gròi ngan là Nghị quyết bè Rơndap ù jơh ală bơta kấp lơgar dê tơngai bơh nam 2021-2023, rơndap broă lơh tus nam 2050 nàng kờñ lơh jat niam bơta kwơ bơh tơl tiah lơh sa- mpồl bơtiàn, sền gĭt rơndap broă lơh tus nam 2050 gơ gơs là lơgar bơtàu tơnguh, priă lơh geh uă, mpồl bơtiàn ring bal, làng bol lơh tờm, jak chài bơtàu tơnguh. Tơngume kung geh sền gròi ngan là Quôk hội sền sơ wì broă lơh kwang bàng ala mat mờ kwang bàng lơh broă ndai gơ wèt gơnap gơnoar bơh Quôk hội dê.