VOV4.K’ho – Drim ngai 29/08, tàm ƀòn dờng Đồng Hới, càr Quảng Bình, Ƀan Tuyên záo dà lơgar sơnđờm mŭt lơh dơ̆ pơrlòng cau pơgru lý luận cíñ trị jak tiah 2 (tiah tàm gùl lơgar mờ Tây Nguyên) nam 2022.

Pà bùng bi kir sơnrai ai ală mpồl cau pơgru tus bal pơrlòng in

Geh bơyai lơh bơh ngai 29 tus ngai 31 nhai 8, dơ̆ pơrlòng cau pơgru lý luận cín trị jak tiah 2 (tiah tàm gùl lơgar mờ Tây Nguyên) nam 2022 gơ hòi gơ jà bơta tus bal bơh 35 nă cau pơgru tus bơh 18 càr, ƀòn dờng tàm tiah do dê. Tàm dơ̆ pơrlòng nam do, ală cau pơgru sac rơwah dùl jơnau bơto bơtê tàm ală broă lơh bơto bơtê mờ bơsram lý luận cíñ trị mờ broă lơh bơto bơtê tơngume ngui ai Anih tờm cíñ trị kấp kơnhoàl dê bơh Ƀan Tuyên záo dà lơgar ai lơh jat. Ală cau pơgru lòt gan 3 bơnah pơrlòng, tàm hơ̆: cih jơnau bơto, bơto tơn, mờ hơ jơnau lùp. Ală cau pơgru geh tŭ niam tơngŏ bơta jak chài, bơta chài, bơta gĭt wă bơh he dê, kung bè tìp mat lơh kuèng, bơsram mờ ală kwang bàng, cau lơh broă bal tàm gah bơto bơtê lý luận cín trị mờ ală gah broă mpồl bơtiàn ndai.

Cau mblàng K’Hạnh