Càr lơgar Hà Nội tŭ do gam pal kong mờ uă bơta lòng tàm hơ̆ geh broă bơ̆ bơl tiah ơm kis, ngan là nhơm. Ồng Nguyễn Minh Tấn, Phó Kwang atbồ Sở Tài nguyên mờ Môi trường Hà Nội pà gĭt, nàng bơsong broă do, ƀòn dờng neh kơlôi sơnơng, bơt bơtàu mờ lơh jat ală gùng dà broă lơh, broă lơh mờ rơndăp broă lơh sền gàr tiah ơm kis mờ nhơm trồ tiah.

Ai lơh jat ală broă rơndăp lơh, broă dong kờl kwơ màng nàng kờñ lơh niam wơl tiah ơm kis, crang lài kơryan mờ tam gơl nhơm trồ tiah wèt tus bơtàu tơnguh kơ̆ kơl jăp ai càr lơgar in bè Broă rơndăp lơh atbồ bơta niam nhơm kis tus nam 2030, gùng dà pơlam tus nam 2035, rơndăp broă lơh lơh niam wơl ală dà dờng tàm dơlam càr lơgar, Broă rơndăp lơh lơh broă rcang lài kơryan mờ tam gơl nhơm trồ tiah tơngai bơh nam 2025- 2030.