Jat Kwang àng càr Dăk Lăk, tàm nggùl nam 2024, cau lơh tìs rơndăp tăp sèng mpồl bơtiàn tàm càr gơlik geh 489 dơ̆, gơmù 3 dơ̆; rềs àr gùng lòt rê ù gờl gơlik geh 208 dơ̆, gơmù 15 dơ̆, gơmù 21 nă cau sồt să pơndrờm dùl tŭ bal mờ nam lài. Kung tàm nggùl nam 2024, Kwang àng càr Dăk Lăk sền gŏ lùp khàu 295 dơ̆ bè sa kuề sa kuà, lơh sa; yă lùp khàu 12 dơ̆ cau lơh tìs ngui măi mok pa...

Jat Thiếu tướng ồng Lê Vinh Quy, Kwang atbồ Kwang àng càr Dăk Lăk yal, cồng nha pa đơs do geh bơta tă pơgồp jơh nùs ngan, geh cồng nha bơh gah lơh ƀăo dê, tŭ sùm yal jơnau yal, mblàng yal ală gùng dà broă lơh bơh Đảng, adat boh lam Dà lơgar dê; yal bè broă lơh gàr niam lơngăp lơngai, rơndăp tăp sèng mờ bơt bơtàu mpồl Kwang àng Làng bol... Bơh tàm jơnau yal bơh gah lơh ƀăo dê, làng bol yờ tơnguh uă nùs nhơm rcang sền ngăc mờ gĭt wă adat boh lam, jơh nùs tus bal srơh jơh gùt làng bol sền gàr lơngăp lơngai  Dà lơgar.