VOV4.K’ho- Anih tờm yal tơnggit jơnau tơrluh ù mờ đơs lài nsừc dờng dà lềng- Viện Vật lý điạ cầu, Viện Hàn lâm Khoa họk mờ kông nghệ Việt nam pa geh jơnau đơs lài, tàm kơnhoàl Kon Plông, càr Kon Tum pa gơlik geh 4 dơ̆ tơrluh ù tàm pơn jat sùm. Jat hơ̆, dơ̆ tơrluh ù sơn rờp gơlik geh tàm tŭ 12 jơ 46 phuk mang ngai 22/6, pràn 3,2 đồ richter (tiah klŏ jrô mờr 8,1 kơi sồ).

Tơnơ̆ hơ̆ pơgap rlau 10 phuk (tŭ 12 jơ 58 phuk mang) pơn jat tai gơlik geh dơ̆ tơrluh ù dơ̆ 2 pràn 2,8 đồ richter. Dơ̆ tơrluh ù dơ̆ 3 gơlik geh pơgap 15 phuk tơnơ̆ hơ̆ (tàm tŭ 1 jơ 15 phuk drim), pràn 2,6 đồ richter. Mờ dơ̆ tơrluh ù dơ̆ 4 gơlik geh tàm tŭ 2 jơ 4 phuk drim, pràn 2,6 đồ richter. Anih tờm yal tơnggit jơnau tơrluh ù mờ đơs lài nsừc dờng dà lềng pà git, ală dơ̆ tơrluh ù do geh sap sèng tàm khà rềs àr trồ tiah lơh aniai kâp 0. Tŭ do, Anih tờm yal tơnggit jơnau tơrluh ù mờ đơs lài nsừc dờng dà lềng- Viện vật lý điạ cầu kung gam pơn jat tai jat sền nền nòn ngan ală dơ̆ tơrluh ù do.

Cau mblàng K’Duẩn