Mờ nùs nhơm jơh nùs lơh ngan uă, tơngai pa do, mpồl Kwang àng càr Dăk Nông neh sùm lơh geh ală cồng nha tàm broă dră wơl mờ cau lơh tìs. Pơn rơ ngan là dră wơl kŭp uă mờ yă 2 dơ̆ lơh tìs, 2 nă cau ngui sră pơ àr ờ ngan bơh anih lơh broă bơyai lơh mờ ai càn priă sa priă cồng uă tàm tŭ lơh broă drơng broă làng bol mờ priă cồng gơguh tus 1080% dùl nam, ai priă cồng tìs 5 tơmàn đong; dră wơl kŭp mờ yă 2 nă cau ngui kông nghệ kao pơrlồm sơgràm phan bơna tàm internet bơh rlau 1 rơbô nă làng bol tàm gùt lơgar; dră wơl mờ kŭp 2 dơ̆ lơh tìs, yă 3 nă cau blơi, kă bro, ơn prăp phan kơryan ờ ai, kŭp rlau 660 kĭ phăo bơrtoh bal mờ uă cờng tàng ndai.

Bơh hơ̆, pơgồp bơnah gàr niam lơngăp lơngai rơndăp tăp sèng geh ală kấp, ală ngàñ cih dờp, jờng rơ uă ngan, làng bol pin dờn, kờñ gơboh. Cih dờp mờ jờng rơ ală cồng nha jak ngan, Ƀộ kwang àng neh geh kơrnoat jờng rơ 18 mpồl cau bơh Kwang àng càr Dăk Nông dê.