Mìng is tă dia tàm gah hìu ơm mờ ù lơh hìu đam geh rơlao 700 tơmàn đong. Do là khà priă geh mờr ndrờm mờ gùt nam 2023.

Jăt đah Tă dia càr Dăk Lăk yal, bơh bồ nam tus tŭ do, priă tă dia mờ priă lơh sră nggal bơh càr geh 3 rơbô 336 tơmàn đong, ndrờm mờ 67% khà broă rơndăp geh ai bơh dà lơgar jào, mờ mờr 64% Mpồl duh broă làng bol càr jào, gơguh 12% pơn drờm mờ tŭ do nam lài. Geh cồng nha do là tài Đah tă dia càr neh tơnguh broă lam sồr jào pang sră yal, sền gròi, jăt sền nền nòn broă yal tă dia bơh cau tă dia dê, pơn jăt tai sền kwơ tàm broă kờp sền, sền wơl jơnau tơngit cau tă dia tàm phan lơh broă bơh anih lơh broă tă dia, gàr niam broă sền gròi, git di tŭ cau tă dia.