VOV4.K’ho- Phó Thủ tướng ồng Lê Minh Khái neh kĭ Kơrnoăt jàu Ƀộ Tài cíñ in tă pà ờ sa priă 7 rbô 820 tấn phe bơh phe ơn prăp dà lơgar dê ai ală càr: Bình Định, Hà Giang, Dăk Nông, Tuyên Quang, Dăk Lăk, Bình Phước, Quảng Trị, Kon Tum, Lạng Sơn mờ Lai Châu nàng dong kờl ai làng bol in tàm dơ̆ sa tềp bơhiàn dà lơgar dê nam Ñâm Zần mờ nhai puh pah bồ nam 2022. Phó Thủ tướng sồr Ƀộ Tài cíñ, Ƀộ Lao động, Thương ƀiñ mờ Xã hội bơsong loh làng jăt jơnau sồr; kong kơnòl bè jơnau yal mờ khà sồ yal tơngĭt. Ủy ƀan Ñân zân ală càr: Bình Định, Hà Giang, Dăk Nông, Tuyên Quang, Dăk Lăk, Bình Phước, Quảng Trị, Kon Tum, Lạng Sơn mờ Lai Châu kong kơnòl bè bơta dipal bơh khà sồ yal dê mờ lơh jăt dong kờl di tŭ, di cau, di khà ai jăt jơnau sồr.

Cau mblàng Lơ Mu K’Yến