Jat jơnau rcang cih bơh Ƀộ Giáo dục mờ Đào tạo dê, jơnau kờñ bơh “Broă rơndăp lơh jŏ jòng bơtàu tơnguh bơto bơtê tơngai tus nam 2030, rơndăp broă tus nam 2045” là bơtàu tơnguh kòn bơnus Việt Nam tơl làm, ngui niam uă ngan rlau jơh bơta ƀuơn, bơta pràn, bơta pràn bơceh lơh bơh tơl nă cau dê... Bơt bơtàu ală broă bơto bơtê pờ, ring bal mờ ring bal ùr klau, drơng broă bơsram sră jơh rài kis, jat gùng dà lơh tơl jơnau sồr, tàm tơngai pa, làng bol lơh tờm, mpồl bơtiàn mờ mut gơrờm bal dunia, tus nam 2030 lơh geh bơta gĭt wă bơh tiah câu Á dê.

Đơs tàm pơrjum, Phó Thủ tướng đơs sùm, broă rơndăp lơh jŏ jòng pal jơh nùs pơlam gùng dà di ngan, mơkung geh bơta sền gĭt, gơ dờp mờ bơtàu tơnguh mhar. Broă lam lơh broă rơndăp lơh jŏ jòng pal hòi jà bơta tus bal bơh jơh ală anih lơh broă cíñ trị, tàm hơ̆ geh mpồl cau dùl nă să nàng ai priă jền mpồl bơtiàn bal mờ Dà lơgar dê tơnguh bơcri priă, geh cồng nha ai bơto bơtê in. Mơkung kờñ pal kờp tus rơndăp tăp sèng bơh rài lơh sa, ală gah lơh sa mờ măi mok tàm rài tơnơ̆ do, kơnòl broă bơh ală mpồl lơh sa kă bro tàm broă tus bal tàm broă lơh lơh geh jơnau kờñ, jơnau sồr geh ai gơwèt mờ gah bơto bơtê.