VOV4.K’ho - Phó Thủ tướng ồng Lê Minh Khái pa kĭ Nghị quyết ai tam gơl khà priă rơcang sơndră mờ kòp Kovid-19 neh jào khà priă nam 2021 ai Ƀộ Y tế in ờ hềt ngui tus nam 2022 ngui ai broă rơcang sơndră mờ kòp Kovid-19.

Mùl màl, Nghị quyết ai tam gơl khà priă dà lơgar neh jào kờp dŭ khà priă ai broă rơcang sơndră mờ kòp Kovid-19 in tàm nam 2021 bơh Ƀộ Y tế ờ hềt lơh jăt khà priă 4.643.821 tơlăk đong (tàm hơ̆ geh bal khà priă blơi sơnơm vaccine, phan cit sơnơm, dờp, prăp gàr, pơn diang sơnơm vaccine rơcang sơndră mờ kòp Kovid-19) tus nam 2022 nàng tă tàm broă rơcang sơndră mờ kòp Kovid-19 bè jơnau sồr bơh Ƀộ Tài chính. Nghị quyết sồr gơwèt mờ priă drơng broă rơcang sơndră mờ kòp Kovid-19 nam 2022, Ƀộ Y tế rơcang ngui priă kờp dŭ geh jào, pơgồp bal mờ Ƀộ Tài chính nàng dan, yal mờ kấp geh gơnoar bơtơl priă kờp dŭ (di lah geh) jăt mờ kơrnoăt geh ai; tơnguh broă atbồ, ngui mờ bơcri jơh priă rơcang sơndră mờ kòp Kovid-19, gàr niam di tŭ, geh cồng nha, tềm pềr, loh làng, ndrờm bal, di mờ kơrnoăt geh ai.

Cau mblàng Ndong Brawl