VOV4.K’ho- Văn phòng Cíñ phủ ai lơh jat Jơnau yal sồ 253 yal jơnau đơs pơndŭt bơh Thủ tướng Cíñ phủ ồng Phạm Minh Chính dê tàm pơrjum dơ̆ 3 bơh Ủy ƀan dà lơgar bè tam gơl sồ.

Jơnau yal jơnau đơs pơndŭt đơs loh, tam gơl sồ pal là phan ngui kwơ màng tàm broă bơt bơtàu rài lơh sa krơi is mờ rcang lài lơh tờm is, gơ jat bal mờ bơta rcang lài, lơh ngan mut gơ rờm bal mờ dunia jrô ơnàng, làm uă ngan ngồn mờ geh cồng nha. Tam gơl pa kông nghệ, lơh lila drà kă bro, ală anih tăc phan, phan bơna, tơnguh uă bơta niam phan bơna dê nàng pơgồp bơnah bơtàu tơnguh wơl mờ bơtàu tơnguh lơh sa- mpồl bơtiàn. Thủ tướng Cíñ phủ sồr bơh tŭ do tus jơh nam 2022 mờ tàm tơngai tus, Ƀộ trưởng ală Ƀộ, Kwang atbồ anih lơh broă ndrờm mờ Ƀộ, anih lơh broă gơwèt Cíñ phủ, Củ tịc Ủy ƀan Ñân zân ală càr, ƀòn dờng gơwèt dà lơgar lơh ngan, rcang lài uă rlau tai, kràñ cê jơh nùs đơng lam, lam lơh jat, lơh geh srơh, gùng dà bal, ai bơta pràn lơh ală kơnòl broă tam gơl sồ bơh Ƀộ, anih lơh broă, mờ ală tiah he dê in.

Cau mblàng K’Hạnh