VOV4.K’ho- Phó Thủ tướng ồng Lê Văn Thành neh kĭ Kơrnoăt tam pà broă jàu Rơndăp ù tiah ngui ù dà lơgar tơngai bơh nam 2021- 2030, wèt sền tus nam 2050, Broă rơndăp lơh ngui ù dà lơgar 05 nam tơngai bơh nam 2021- 2025. Mùl màl, tam pà broă jàu rơndăp ù tiah ngui ù tơngai bơh nam 2021- 2030, broă rơndăp lơh ngui ù dà lơgar 05 nam bơh nam 2021- 2025 ai ală càr, ƀòn dờng kâp dà lơgar, Ƀộ Quôk phòng, Ƀộ Kwang àng.

Jăt tàm broă jàu rơndăp ù tiah, broă rơndăp lơh ngui ù tam pà, Ƀộ trưởng Ƀộ Quôk phòng, Ƀộ trưởng Ƀộ Kwang àng pơgồp bal mờ Ủy ƀan Ñân zân kâp càr mhar lơh sir broă lơh sră rơndăp ù tiah ngui ù sền gàr dà lơgar, lơngăp lơngai tơngai bơh nam 2021- 2030. Ủy ƀan Ñân zân kâp càr mhar lơh sir broă lơh rơndăp ù tiah ngui ù tơngai bơh nam 2021- 2030, lơh sră broă rơndăp lơh ngui ù 05 nam tơngai bơh nam 2021- 2025 kâp càr; lơh sră mờ tam gơl rơndăp ù tiah ngui ù kâp kơnhoàl tơngai bơh nam 2021- 2030; ală Ƀộ, gah lơh broă mhar lơh sir broă lơh sră rơndăp ù tiah gah dà lơgar, rơndăp ù tiah kơnhoàl ù tiah, rơndăp ù tiah tiah drà, rơndăp ù tiah ƀòn lơgar, rơndăp ù tiah geh bơta chài, mờng gah geh gơrềng geh ngui ù pal lơh jăt broă jàu ngui ù, dùl ròt bal, ring bal mờ rơndăp ù tiah, broă rơndăp lơh ngui ù dà lơgar.

Cau mblàng Lơ Mu K’Yến