Dơ̆ do càr Lâm Đồng ntrờn, pồ uă kwang bàng tờm ală sở, mpồl, gah broă, ală tiah tàm càr dê.

Jat hơ̆, ồng Hoàng Văn Bằng, kwang bàng Tỉñ ủy, Kwang bàng Cơldŭ lơh broă Tỉñ ủy càr Lâm Đồng geh ntrờn lơh broă tàm Anih duh broă làng bol càr Lâm Đồng nàng pồ lơh kơnòl broă kwang atbồ Sở Yal tơngĭt jơnau mờ Mblàng yal jơnau; ồng Nguyễn Văn Phương, Phó Ƀí thư Thàñ ủy ƀòn dờng, Củ tịc Anih duh broă làng bol ƀòn dờng Bảo Lộc ntrờn lơh broă tàm Mpồl duh broă làng bol càr dê nàng lơh kơnòl broă Kwang atbồ Mpồl Lơh broă adat boh lam Mpồl duh broă làng bol càr Lâm Đồng dê tơngai lơh broă bơh nam 2021-2026; ồng Ngô Văn Ninh, Kwang bàng Cơldŭ lơh broă Anih duh broă làng bol càr Lâm Đồng, geh ntrờn, sồr mut tàm Mpồl duh broă, Mpồl Lơh kơnòl broă sùm, at gơnoar  broă Phó Ƀí thư Thàñ ủy ƀòn dờng Bảo Lộc, mờ yal tơngĭt nàng Mpồl duh broă làng bol ƀòn dờng Bảo Lộc at gơnoar broă Củ tịc Anih duh broă làng bol ƀòn dờng Bảo Lộc...