Dar lồi dŭt dơ̆ pơrlòng pờ tơlik jơnau đơs tơn geh bơta tus bal bơh 33 mpồl lơh broă. Ală jơnau cih tus bal dar pơrlòng lồi dŭt pờ tơlik jơnau đơs tơn ờ mìng cèng tus bơnah ràng tơlik bơh cau tề lam jơnau đơs mờ bơta tus bal bơh năc jà lơm mờ gam geh bal jơnau mblàng yal cèng bơta kis bơh rài kis dê bè ală tơngume jơnau gơlik geh pah ngai, ală broă geh mpồl bơtiàn sền gròi.

Cau lơh ƀăo ồng Trần Minh Hùng-Phó kwang atbồ dờng Anih jơnau đơs Việt Nam đơs là, ală mpồl tus bal neh geh bơta rcang lài niam ngan mờ nền nòn ngan ai dơ̆ pơrlòng broă lơh duh hồl mờ gơ kờñ ngan rlau jơh tàm ală dơ̆ bơh tàm dơ̆ pơrlòng dê, đơs nền, pờ tơlik jơnau đơs tơn cèng bơta kis bơh rài kis dê wèt tus mờ mpồl bơtiàn, rềp mềr mờ mpồl bơtiàn. Dar lồi dŭt dơ̆ pơrlòng pờ tơlik jơnau đơs tơn geh bơyai lơh tàm 4 ngai bơh ngai 8 nhai 7 tus ngai 11 nhai 7, ală jơnau cih tus bal pơrlòng geh pờ tơlik tơn, livestreams tàm ală gah mblàng yal jơnau.