Tàm dơ̆ lơh broă mờ Uỷ ƀan Ñân zân (UɃÑZ) càr Dăk Nông ngai òr (08/4), Tập đoàn Lơh sa mờ măi mok Chah-Phan kwơ geh is Việt Nam (TKV) neh yal jơnau yal bè Broă rơndăp lơh jòi sền, lơh, lơh gơs mờ ngui phan kwơ geh is tơngai bơh nam 2021 tus 2030 mờ broă lơh jăt ală rơndăp broă Bauxite bơh TKV tàm càr do dê.

Jăt mờ hơ̆, TKV neh ai mờr 1 rơbô tơmàn đơng nàg jòi ală tiah geh bauxite tàm ù tiah càr Dăk Nông, rơcang tơl phan nàng di pal mờ broă lơh ală rơndăp broă lơh Ƀộ xít – Alumin – Trà tàm càr do. TKV pin dờn bè bơta geh cồng nha bơh ală rơndăp broă lơh do mờ hơ geh lơh tàm tơngai gờñ ngan. Tàm dơ̆ lơh broă, Kwang đơng lam Tập đoàn Lơh sa mờ măi mok Chah-Phan kwơ geh is Việt Nam (TKV) neh đơs tus mờ ală bơta kal ke, gơkòl tàm broă lơh Rơndăp broă tàm tơngai do, gơwèt mờ ală rơndăp broă kờp dŭ geh lơh tàm càr tàm tơngai tus mờ ai geh jơnau đơs, jơnau dan geh ờ uă tơngu me gơrềng bal tus mờ broă jòi sền, lơh, lơh gơs mờ ngui Ƀô xít, Alumin, Trà.