Tàm pơrjum do, ala măt Kụk Ătbồ drà kă bro ală càr neh đơs, cribơyai bè broă lơh ătbồ drà kă bro tàm nam 2022 mờ yal lài broă drà kă bro tàm ală ngai lài, tàm mờ tơnơ̆ dơ̆ sa Tềp bơhiàn Qúy Mão nam 2023, ngan là ală broă gơrềng tus bơta phan xăng zờu, phan bơna drơng sa tềp bơhiàn dà lơgar dê, jơnau blơ̆ blăc, lơh tìs tàm gah broă kă bro điện tử. Đơs tàm pơrjum, ồng Trần Hữu Linh, Kwang ătbồ Tổng Kụk Ătbồ drà kă bro đơs sùm, nam do sa tềp Tây mờ sa tềp bơhiàn dà lơgar dê rềp bal ngan, jơnau kờñ blơi phan bơna làng bol dê kung gơguh uă sơl tàm tơngai mờr tus. Den tàng bè hơ̆, sồr mpồl ătbồ drà kă bro ală càr sơlơ lòt sền, gròi sền drà kă bro, lơh glài kràñ ală broă lơh lơh tìs adat boh lam bè kă bro, sền gròi uă broă lòt sền mờ lơh glài kràñ ală mpồl cau, cau dùl nă să is sơmờm jơnau kờñ ngui sa gơguh uă tàm dơ̆ sa tềp nàng tơnguh giă ờ dipal, lơh roh bơta niam drà kă bro dê, ngan là gơwèt mờ ală bơta phan geh ngui sa uă tàm dơ̆ sa tềp Tây mờ sa tềp bơhiàn nam 2023.