VOV4.K’ho- Drim ngai 29/09, Ƀan Cấp hàñ Đảng ƀộ ƀòn dờng Hồ Chí Minh khoă 11 tơngai lơh broă bơh nam 2020-2025 bơyai lơh pơrjum dơ̆ 17, nàng kờñ sền wơl 1 nam lơh jat Nghị quyết sồ 05 bơh Ƀan Cấp hàñ Đảng ƀộ ƀòn dờng dê bè broă rơndap lơh jơh ală bơta rcang sơndră kòp Kovid-19 mờ bơtàu tơnguh wơl lơh sa tàm ù tiah ƀòn dờng Hồ Chí Minh dê. Bơdìh mờ hơ̆, pơrjum kung sền sơ wì sền wơl bơta lơh sa- mpồl bơtiàn ƀòn dờng dê 9 nhai pa do mờ kơnòl broă, gùng dà broă lơh tờm 3 nhai lồi nam bal mờ bàr pe tơngume kwơ màng ndai.

Ƀí thư Thàñ ủy Hồ Chí Minh ồng Nguyễn Văn Nên đơs tàm dơ̆ pơrjum

Sơn đờm mŭt pơrjum, Ủy viên Ƀộ Cíñ trị, Ƀí thư Thàñ ủy Hồ Chí Minh ồng Nguyễn Văn Nên đơs nền ală cồng nha neh lơh geh tus tŭ do là dờng màng uă ngan, tơl làm ngan, chờ hờp ngan mờ bơta chờ hờp sơlơ gơnguh. Mơya, ồng Nguyễn Văn Nên sồr, tàm gah broă kờñ pal sền wơl mờ jòi geh ală bơta niam nàng lơh jat, ngan là broă lơh bơsram lơh jat broă lam lơh broă lơh lơh broă bơh tơl gah broă mờ tơl tiah dê.

VOV Tây Nguyên- Cau mblàng K’Hạnh