Tơnơ̆ tŭ lòt sền ngan ngồn tiah gơlik geh bơta do, bơh sơn rờp mpồl kwang bàng đơs, jơnau tờm ngan lơh gơbàn bơta nchìn nchùn ù tàm tiah tơnau dơng dà Đông Thanh ờ di tài bơh trồ mìu, mờ ù tàm tiah do geh dùl gơl nchùn neh geh bơh lài, tus tŭ rơndap broă geh lam lơh pơgồp bal mờ uă jơnau gơ rềng ndai neh lơh gơl nchùn do gơlik geh mhar rlau. Tơnơ̆ tŭ sền sơ wì tàm ù tiah ngan ngồn, mpồl kwang bàng neh geh dơ̆ lơh broă mờ càr Lâm Đồng bè broă lơh rơcang sơndră trồ tiah lơh aniai, ai tơlik ală broă lơh tềng đap mat mờ jŏ jòng nàng bơsong bơta nchùn ù tàm tơnau dơng dà Đông Thanh. Tàm do, ồng Nguyễn Hoàng Hiệp sồr càr Lâm Đồng pal lơh tai uă gah khoàng nàng git nền tiah gơtìp gơ rềng bơh bơta nchùn dê, bơh hơ̆ ai tơlik broă rơndap lơh bơsong geh cồng nha.