Mìu dà kŏ dà cò, tơrlah ù neh lơh 3 nă cau chơt mờ roh thit tàm xã Mường Lang, tàm hơ̆ geh 1 nă sau dềt 5 sơnam. Bơdìh hơ̆ tai, mìu dờng neh lơh gơbàn hoàc huơr rlau 40 lồ kòi kàl mìu bơh làng bol dê; 6 nơm hìu gơtìp tơrlah, tàm hơ̆, 3 hìu bơnhă pal ntrờn jal mhar, 3 hìu bơnhă ndai gam bơsong jơnau gơ lời wơl. 

Tŭ do, kơnhoàl Phù Yên pơn jat tai đơng lam mpồl lơh broă geh gơnoar lòt jòi ală cau gơtìp roh thit gam wơl, hòi jà làng bol, kwang bàng, công chức Ủy ƀan Ñân zân kơnhoàl bal mờ xã lam lơh tơ wès bă kòi gơtìp hoàc huơr. Thứ trưởng ồng Nguyễn Hoàng Hiệp cih dờp ală bơta pơn đơl pràn bơh kơnhoàl Phù Yên dê tàm broă lơh bơsong jơnau gơ lời wơl bơh trồ tiah lơh aniai, jòi cau gơtìp aniai. Mờ kung sồr càr Sơn La mờ kơnhoàl Phù Yên pơn jat tai kờp sền, bơsong jơnau gơ lời wơl bơh trồ tiah lơh aniai, mhar gàr niam wơl rài kis mờ broă lơh sa ai làng bol in.