Thứ trưởng Lê Thị Thu Hằng chờ gờm Bèp yàng, Ala măt duh broă sùm Marek Zalewski dờp kơnòl broă pa tàm lơgar Việt Nam; tơlik nùs nhơm chờ hờp tềng đăp mờ ală bơta bơtàu tơnguh niam bơh bơta git gơ̆p đah lơgar Việt Nam mờ Hìu yàng Vatincan tàm tơngai do; ai tơngŏ broă bàr gah ring bal Kơrnoăt lơh broă bơh Ala măt duh broă sùm Hìu yàng mờ Cơl dŭ lơh broă Ala măt duh broă sùm bơh Hìu yàng tàm lơgar Việt Nam dê di tàm dơ̆ tus còp Vatincan bơh Củ tịc lơgar Võ Văn Thưởng dê tàm nhai 07 nam 2023, ai tơngŏ bơta bơtàu tơnguh kwơ màng tàm bơta git gơ̆p đah lơgar Việt Nam mờ Hìu yàng Vatincan dê.

Thứ trưởng Lê Thị Thu Hằng đơs nền, ală anih lơh broă geh gơnoar lơgar Việt Nam geh dong kờl Ala măt Duh broă sùm Hìu yàng lơh gơs niam kơnòl broă, pơgồp bal tàm broă lơh pràn bơta git gơ̆p đah lơgar Việt Nam mờ Hìu yàng dê, tơnguh broă pơgồp bal đah Hìu yàng mờ Mpồl jăt yàng Bàp Việt Nam dê.