Tàm dơ̆ pơrjum, 2 gah neh cribơyai ring bal, lơh ngan ngồn ală jơnau đơs pơndŭt bơh 2 Ƀộ Cíñ trị dê tàm Jơnau ring bal Broă rơndap lơh lơh broă bal đah 2 lơgar nam 2023 mờ geh bơyai lơh lam lơh jat kràñ cê jơh nùs bơh bồ nam tơn nàng kờñ sơlơ tơnguh lơh broă bal tàm jơh ală gah cíñ trị- lơh broă mờ lơgar ndai- sền gàr lơngap lơngai, sền gàr dà lơgar, bơcri priă mờ kă bro.

Bè gùng dà pơlam lơh broă bal tàm tơngai tus, 2 gah neh ring bal tơrgùm lơh niam ală jơnau yal bơr bal, jơnau ring bal bơh 2 Ƀộ Cíñ trị dê, jơnau ring bal 2 Cíñ phủ bè broă lơh jŏ jòng lơh broă bal 10 nam tơngai bơh nam 2021-2030 mờ Hiệp địñ lơh broă bal bơh nam 2021-2025 mờ ală jơnau ring bal ndai. Bàr gah đơs nền lơh ngan jơh nùs mờ đơs sùm jơnau sồr dong kờl bal mờ gơ̆p bơt bơtàu rài lơh sa is, rcang is pơgồp bal mờ mŭt gơ rờm bal jrô ơnàng mờ geh cồng nha