Thủ tướng đơs nền, bơto mầm non geh gơnoar kwơ màng ngan tàm broă bơto làng bol dà lơgar, tàm broă lơh jŏ jòng bơtàu tơnguh cau lơh broă, bơtàu tơnguh kòn bơnus lơgar Việt Nam dê. Bơto mầm non là kai bơsram ai sơnam dềt ngan in tàm broă bơtàu tơnguh bơh kòn bơnus dê.

Bơ̆t bơtàu, bơtàu tơnguh kòn bơnus pal geh ai broă lơh tờm lài ngan bơh ală nam sơnrờp kòn bơnus dê. Mpồl đơgn lam Đảng Dà lơgar khoă XIII kung neh tơlik Nghị quyết bè broă pơn jăt tai tam gơl pa, tơnguh uă bơta niam broă mpồl bơtiàn, di pal mờ jơnau kờñ bơh broă bơ̆t bơtàu mờ sền gàr Dà lơgar tàm tơngai pa dê. Nghị quyết neh pơn jăt tai ai tơngŏ ală broă lơh niam bơh Đảng dê bè broă mpồl bơtiàn, tàm hơ̆ geh broă dong kờl bè bơto bơtê nàng drơng broă bơtàu tơnguh kòn bơnus. Dùl tàm ală jơnau kờñ tus nam 2030 geh ai tàm Nghị quyết là “Lơh gơs broă bơto mầm non ai kơnòm dềt bơh 03 tus 05 sơnam in…”.