Thủ tướng đơs sùm, broă lơh bơt bơtàu, lơh sir kơrnoat boh lam là broă lơh sùm, pơn jat sùm mờ jŏ jòng, pal tơrgùm đơng lam sồr lơh, sơlơ tơnguh lơh jat, duh rơngòt adat boh lam; bơcri ai uă rlau tai bè bơta priă jền mờ mpồl cau.

Tàm dơ̆ pơrjum do, ală kwang bàng Cíñ phủ cribơyai mờ tă pơgồp jơnau đơs gơwèt mờ 5 tơngume tàm hơ̆ geh 2 jơnau rcang cih adat, 1 jơnau sồr lơh adat, 2 jơnau rcang cih Nghị quyết, tàm hơ̆ geh: Jơnau rcang cih Nghị quyết bơh Quôk hội dê bè lơh tơrlòng lài bàr pe kơrnoat, broă lơh tă bơsong kal ke, kòl yan tàm bơcri priă lơh broă bơt bơtàu gùng lòt; bàr pe broă lơh pa tàm gah atbồ mŭt tàm lơgar he, lòt gan tiah nhàr lơgar, ơm kis bơh làng bol lơgar ndai dê tàm Việt Nam nàng tơmŭt tàm Nghị quyết bal bơh Quôk hội dê tàm pơrjum dơ̆ 5; Jơnau rcang cih Adat Kăn kươk làng bol (tam gơl); Jơnau rcang cih Adat ală mpồl ai càn priă (tam gơl); sồr lơh Adat tam gơl, bơtơl bàr pe bơta bơh Adat lik mờ mŭt tàm lơgar he bơh làng bol Việt Nam dê.