Cribơyai tàm dơ̆ pơrjum, kwang đơng lam bồ ală ƀộ, gah broă lơh neh mblàng lơh loh bè broă tàm lơgar mờ dunia, ală jơnau bơsram mờng chài mờ kơnòl broă, broă lơh nàng kờñ tă bơsong kal ke, kòl yan ai mpồl lơh sa kă bro, làng bol in, sơlơ tơnguh lơh sa, kă bro, ai geh broă lơh làng bol in. Đơs pơn dut dơ̆ pơrjum, Thủ tướng Phạm Minh Chính đơs nền, lơh jat Nghị quyết Pơrjum dờng dơ̆ XIII bơh Đảng dê, bơta đơng lam bồ, sồr lơh bơh Đảng dà lơgar, Ƀộ Cíñ trị, kwang đơng lam bồ tờm ngan dê, Broă rơndap lơh bơtàu tơnguh lơh sa mpồl bơtiàn tơngai bơh nam 2021 tus nam 2030, ală broă rơndap lơh 5 nam tơngai bơh nam 2021 tus nam 2025; ală Nghị quyết, Jơnau sồr bơh Cíñ phủ, Thủ tướng Cíñ phủ dê nàng lam lơh gơs ngan ngồn gơ gơs broă rơndap lơh lơh jat bơh tơl kâp, tơl gah broă mờ anih lơh broă dê. Sơlơ tơnguh tai yal tơnggit jơnau, mblàng yal jơnau, ngan là mblàng yal jơnau broă dong kờl; tơnguh cồng nha broă lơh lam sồr làng bol, lơh jat niam jơnau pal jat làng bol lơh tờm kâp hơ đơm, lơh kơ̆ kơljap mpồl tam klac dờng jơh gùt jơi bơtiàn.