Thủ tướng sồr Phó Thủ tướng ồng Trần Hồng Hà tus tàm tiah gơlik geh ồs sa đơng lam tơn bơsong broă gơlik geh; sồr Ủy ƀan Ñân zân ƀòn dờng Hà Nội lam lơh lùp còp wil tơl, di tŭ pơn dờm pơnđiang, dong kờl phan bơna, nùs nhơm ai hìu bơnhă cau gơtìp aniai in; pơgồp bal jơh nùs mờ Ƀộ Kwang àng sồr ală mpồl lơh broă geh gơnoar tơrgùm bơsong jơnau gơ lời wơl. Àng drim ngai 24/5, tàm pơrjum dơ̆ 7, Quôk hội, Ủy ƀan Thường Vụ Quôk hội pơyua jơnau tam pà moat jrùm uă ngan tus hìu bơnhă ală cau gơtìp aniai.

Phó Củ tịc Quôk hội ồng Trần Quang Phương lam bồ mpồl kwang bàng tus tiah gơlik geh ồs sa mờ hìu sơnơm nàng lùp còp, pơn dờm pơnđiang ală hìu bơnhă cau gơtìp aniai. Ƀộ Kwang àng neh geh Jơnau yal Thủ tướng Cíñ phủ in bè dơ̆ ồs sa lơh gơbàn jơnau gơ lời wơl kơn jơ̆ ngan gơlik geh tàm ƀòn dờng Hà Nội. Mờ kung dan Thủ tướng Cíñ phủ sồr Thàñ ủy, Ủy ƀan Ñân zân ƀòn dờng Hà Nội kờp sền ală hìu ai ơpah mờ ală bơta hìu ndrờm bal tàm gùt ƀòn dờng.