Tàm Gơlăng kwơmàng ngan rlau jơh bơh Bơtau dê bal mờ nùs nhơm jơh nùs ki ngàm kah rơngal wơl dà kơlhề Mò pàng dê, tơnggŏ jơnau di “Hùc dà kah tô dà” bơh jơi bơtiàn Việt Nam dê, Thủ tướng Cíñ phủ ồng Phạm Minh Chính bal mờ ală kwang bàng đơng lam bồ Đảng, Dà lơgar mờ kwang bàng đơng lam bồ ală tiah mŭt tàm Gơlăng Bơtau Hơđăng chu ñàng, ơn bơkàu, tơnggŏ nùs nhơm gĭt ưn ngài uă ngan ală cau jak rài yau neh geh dà kơlhề crơng gơs dà lơgar nàng oh kòn kòn sau in đòm jăt tàm pơdờn bơhiàn Lạc Hồng bơ̆t bơtàu dà lơgar Việt Nam pas sơm niam bơnĕ, jak chài bè ngai do.

Tàm tŭ jiơ dờng màng ngan bơh ngai Duh kah Bơtau bơh sơnrờp dê, tơlak tơlak plai nùs kòn bơnus Việt Nam tàm lơgar mờ bơdìh lơgar, kah wơl hờ Hìu duh khuai Bơtau Hùng bal mờ nùs nhơm jơh nùs ki ngàm ngan nàng kah kơlôi, kah rơngal wơl dà kơlhề bơh ală Bơtau Hùng dê, ală cau jak rài yau neh geh dà kơlhề bơ̆t bơtàu dà lơgar mờ sền gàr dà lơgar. Tơnơ̆ dơ̆ lơh yàng chu ñàng tơn, Thủ tướng ồng Phạm Minh Chính mờ ală cau ala măt ơn goàng bơkàu, chu ñàng tàm Gơlăng Bơtau Hùng; pơdơng bơkàu tàm Rùp mòn Wa Hồ boh bơr mờ cau ling Mpồl ling dờng Lam lài tàm Sơnĕ pram Hìu duh khuai Dà tơrlung.