Dơ̆ lòt còp bơh Thủ tướng Cíñ phủ dê geh kơ̆p gơn rơ̆p lơh gơlik bơta gơn kơnờm pa ai ală broă lơh broă bal ờs mờng bơh yau, lơh gơlik geh bơta tam gơl pràn pa ai tơl bơta ală broă lơh geh bơta pràn mờ hơđăng rlau jơh lơh geh dồ bă pràn kơnhăp bơta pin dờn cíñ trị nàng pờ gùng ai dồ tŭ tơngai lơh broă bal pa đah lơgar Việt Nam mờ pe lơgar in kung bè jơh gùt kơnhoàl ù tiah do in.

Dơ̆ lòt còp là broă lam lơh jăt geh kwơ ngan ngồn, loh làng ngan gùng dà lơh broă mờ lơgar ndai bơh Pơrjum dờng Đảng gùt lơgar dơ̆ XIII dê, gùng dà broă lơh lơh bơyô mờ uă lơgar, lơh li la bơta gĭt gơ̆p, rơcăng lài, jơh nùs mŭt gơrờm bal mờ ală lơgar jrô ơnàng làm uă, tàm hơ̆ ai lài lơh li la drà kă bro, lơh li la cau lơh broă bal, lơh li la ală anih gơlik phan, pơgồp bơnah pơn jăt tai lơh kơ̆ kơl jăp tiah ơm kis ring lơngai, lơh broă bal, gơhòi gơ jà uă ngan rlau jơh ală bơta pràn drơng bơtàu tơngguh dà lơgar in.