Đơs tàm dơ̆ tìp mat, Thủ tướng Cíñ phủ ồng Phạm Minh Chính cih dờp, jờng rơ Đại sứ quán neh rơcang lài niam ngan ai dơ̆ lòt còp bơh mpồl kwang bàng kâp dờng Cíñ phủ dơ̆ do dê in. Thủ tướng sồr Đại sứ quán jat sền, lam lơh jat geh cồng nha ală cồng nha niam bơnĕ mờ jơnau ring bal lơh broă bal neh kĭ di dơ̆ lòt còp nàng kờñ pơgồp bơnah sơlơ tơnguh bơta git gơp lơh broă bal tơl làm đah Việt Nam mờ Brazil brồ guh tus bơta pa tàm tơngai tus. Thủ tướng Phạm Minh Chính sồr ală kwang bàng, cau lơh broă Đại sứ quán tơrgùm tàm kơnòl broă sơlơ tơnguh tìp mat lơh kwèng niam chài, bơto bơsram, tàp pràn să jan mờ tìp mat lơh kwèng làng bol; pơgồp bal mờ ală cribơyai uă lơgar nàng dong kờl bal mờ gơp, ngan là tò dong gơnoar broă lơh tờm bơh ASEAN dê tàm broă dà lềng đah mat tơngai lik.