Đơs tàm do, Thủ tướng Cíñ phủ ồng Phạm Minh Chính đơs nền, FPT là mpồl lơh sa kă bro lam lài bè tam gơl sồ tàm lơgar Việt Nam bơh ală nam 2016. FPT bal mờ ală mpồl lơh sa kă bro kông nghệ ndai bơh lơgar Việt Nam dê neh geh broă lơh bơtàu tơnguh niam ngan, pơgồp bơnah ai lơgar Việt Nam brồ guh, gơs bơta àng bè kông nghệ thông tin tàm bàr pe gah.

Thủ  tướng đơs sùm, bơh ală bơta kal ke mờ bơtàu tơnguh mhar, gùng lòt FPT lòt jat bơtàu tơnguh kông nghệ thông tin, rcang lơh bơtàu tơnguh phần mềm, lơh gơlik chíp là gùng lòt di pal ngan rlau jơh, di pal mờ FPT, di pal mờ gùng dà bơh dunia dê, ală bơta bơh dà lơgar he dê. Thủ tướng Cíñ phủ sồr Ƀộ Giáo dục mờ Đào tạo mờ ală ƀộ, ƀan, ngàñ geh gơrềng pơgồp bal mờ FPT kơlôi sơnơng bal, ai tơlik gùng dà broă lơh nàng lơh geh mpồl cau gĭt lơh broă jak chài nàng pơgồp bơnah bơt bơtàu Dà lơgar Việt Nam dờng pràn mờ gơboh gơbài.