Tàm dơ̆ lơh broă, Thủ tướng Cíñ phủ ồng Phạm Minh Chính neh iăt kwang đơng lam Hìu bơsram Đại họk Dà lơgar Hà Nội yal bè broă bơyai lơh, lơh broă đơs bal, tàm hơ̆ geh broă bơto cau chài mờ cau lơh broă geh bơta niam uă kung bè broă bơto mờ kơlôi sơnơng khoa họk tàm gah vi mạc tíc hợp ƀán dẫn bơh Hìu bơsram Đại họk Dà lơgar Hà Nội dê.

Mờ gơnoar broă là dùl anih tờm bơto, kơlôi sơnơng khoa họk lam lài, Hìu bơsram Đại họk Dà lơgar Hà Nội neh rơcang bơ̆t bơtàu mờ lơh jăt broă lơh Jŏ jòng khoa họk kông nghệ mờ tam gơl pa bơceh pa bơh Hìu bơsram Đại họk Dà lơgar Hà Nội dê tơngai bơh nam 2021 tus 2030 nàng ai gùng dà tơnguh bơtàu khoa họk kông nghệ tàm tơngai tus gơguh dùl bơta niam pa, mờ là lơh pràn nàng tơnguh bơtàu Hìu bơsram Đại họk Dà lơgar Hà Nội gơs hìu bơsram Đại họk ngăc ngar, tam gơl pa, bơceh pa.