Thủ tướng neh tus còp Kông ty kổ phần phan ngui sa tăc mờ lơgar ndai Đồng Giao mờ tiah tam phan tàm tiah do dê. Kông ty tŭ do gam tơrgùm lơh broă lơh gơlik biăp bùm kơnuh plai đo mờ bơta pràn lơh geh 136 rơbô tấn phan bơna dùl nam tàm 3 hìu măi tàm ală càr: Ninh Bình, Gia Lai mờ Sơn La mờ ală măi mok pa ngan, lơh geh bơta pràn lơh gơlik phan dờng ngan.

Lùp còp, pà phan cau lơh phan, cau lơh broă gam lơh broă tryang tryồng ngan tàm suơn tam plai prìt sơkò bơh tiah tam phan Đồng Giao, ƀòn dờng Tam Điệp, Thủ tướng Cíñ phủ tơngŏ bơta chờ hờp geh gĭt priă lơh geh bơh cau lơh phan, cau lơh broă dê geh gơguh. Thủ tướng kơ̆p kờñ, cau lơh phan, cau lơh broă bal mờ Kông ty pơn jat tai bơcri priă lơh mờ măi mok lơm, lơh pa măi mok, tơnguh cồng nha lơh broă; tam gơl sơntìl phan tam mờ cồng nha, bơta niam uă rlau tai.