Thủ tướng Cíñ phủ ồng Phạm Minh Chính còp mờ lơh broă tàm Mpồl kơlôi sơnơng jak chài mờ lơh sa mờ măi mok mpồl bơtàu tơnguh bal
Thứ bảy, 06:00, 09/03/2024
Cau mblàng: K'Duẩn/ VOV
Cau mblàng: K'Duẩn/ VOV
VOV4.K'Ho - Drim ngai 08/3 (jat jơ tiah do), tàm càr lơgar Canberra, tàm dơ̆ lòt còp ngan ngồn lơgar Australia, Thủ tướng Cíñ phủ ồng Phạm Minh Chính còp mờ lơh broă tàm Mpồl kơlôi sơnơng jak chài mờ lơh sa mờ măi mok mpồl bơtàu tơnguh bal (CSIRO).
Đơs tàm dơ̆ lơh broă, Thủ tướng ồng Phạm Minh Chính kơp kờñ lơh broă bal mờ CSIRO pal geh “phan bơna ngan ngồn” nàng gam pơn jat tai lam lơh; pin dờn ală cồng nha mờ 2 gah gam kơlôi sơnơng là niam ngan, pal sơlơ tơnguh rlau tai. Thủ tướng tam pà bal bè nùs nhơm bơh làng bol Australia dê gơ wèt mờ Việt Nam, ngan là ală cau jak chài lơgar Australia jơh nùs ngan, pin dờn, ai tơnggŏ nùs nhơm geh kơnòl uă mờ gơp, bơta do ai tơnggŏ bơh plai nùs tus plai nùs, bơh mat sền, bơta kup tê kung gơtùi sền gŏ bơta jơh nùs kơp kờñ 2 lơgar bơtàu tơnguh.
Di dơ̆ do, Thủ tướng ồng Phạm Minh Chính sền dơ̆ jàu Sră cih kah đah Ƀộ trưởng Khoa học mờ Kông nghệ ồng Huỳnh Thành Đạt mờ Kwang atbồ dờng CSIRO ồng Doug Hilton.
Viết bình luận